Bag Of Beans

Pag nagse-search ako ng mga places na magandang puntahan or masarap na kainan isa sa mga nirerecommend ang Bag Of Beans. On our way to Caleruega Church, nadaanan namin to, maraming sasakyang nakapark sa harapan, sa gilid at yung iba eh waiting. In short, mabenta sya at dahil sa mabenta sya, syempre nakaka curious kung bakit. Napagkasunduan namin ni Fluffy na jan nalang kami magbe-breakfast kinabukasan.

Malawak ang lugar, hinati sa dalawa, isang buffet at isang oorder ka ng gusto mong kainin. Namali kami ng napasukan dahil sa kabila kami dumaan kung saan buffet ang kainan, tinuro ng waitress yung daan kung saan kami puwedeng umupo kung oorder lang kami, may lusutan naman.

Habang nag aantay ng order, nagpektyuran muna kami ni Fluffy. Dahil sa open na open sya, maraming puno at maraming ibon na nakadapo sa sanga ng mga puno. Syempre ang mga ibon ang bisyo sa umaga magkalat ng lagim, ayun sapul ang bag ni Pachuchay, buti nalang natalsikan lang ako at hindi ako ang sumapo.

Hot Chocolate P105 nirecommend ng waitress na orderin namin. Super Like ko yung mug ang cute ng disenyo. Masarap yung Chocolate drink pero sad to say hindi na sya hot nung sinerve, siguro dahil sobrang lamig sa Tagaytay. Pero nung tinignan ko yung mga coffee na sineserve sa ibang table, makikita mo yung usok factor na nagpapakitang bagong kulo. Pero okay nadin kase masarap Hot Chocolate nila na hindi Hot. Next time na balik namin, oorderin ko padin sya.

Seafood Pasta P325 - may fish, may buo buong tomato, may olives, green pepper at 2 garlic bread.. Ayos! Merong part na masarap at merong part na lasang pabangong ewan, hindi ko maintindihan, hinanap ko yung parang kakaibang lasa... AYUN.. may celery pala.. hahaha.. hindi ko trip lasa ng celery.

Nagustuhan ko yung order ni Fluffy, ang Roast Beef P320 - tender yung beef, panalo yung sauce na nagpasarap sa beef. Hindi ako mahilig sa mashed potato, mabigat sa tyan and nakakasawa, impeyrness nagustuhan ko yung version nila. Creamy and pinong pino, walang buo buong makakapa ang dila. Bumagay ang mashed potato sa sauce ng roast beef.

At ang resibo.... yung P85.50 tax ata.. or service charge

Marami kaming nadaanang nagbebenta ng mga halaman. Bumili ako 3 for P100.. Orange Gold, Yellow at Orange yung mga flowers. Pinaka nagustuhan ko yung orange gold, astig nung kulay sobrang papansin yung flower!

Mabilisang Paglalakwatsa

Maagang gumising para imeet si sisterlaloo, naisipan nyang isama kami ni fluffy sa Tagaytay para ipakita ang nabili condo sa Wellington Courtyard. Monday, buti nalang walang trapik, siguro dahil maaga kaming umalis.

Pare-parehas hindi nagsikain ng almusal, tinanong ni sisterlaloo kung saan namin gusto kumain ng agahan. Sabay sigaw ng Buon Giorno!.. oo na, ako na ang walang kasawaan sa pasta! May natitirang hiya naman ako sa katawan, binawi ko naman eh. Sinabi ko Max's nalang para mura (alam ko kase si sisterlaloo ang magbabayad hihihi).

Pagbuklat na pagbuklat ng menu, bumulaga ang pektyur ng crispy pata. Kung puwede nga lang sana, why not?!.. oorderin kita, yun nga lang mas masarap ang mabuhay. Kaya ko syang tiisin pero ang masarap na buhay hindi ko kayang ipagpalit.

Umorder ng potato salad si sisterlaloo at ang pambansang almusal ng mga pinoy.. ang Tapsilog.

Gusto sana umorder ni fluffy ng half spring chicken at isang fresh lumpia pero sinuggest ni manong waiter na mag platter nalang sya.

At ako nagpasosyal,.. Clubhouse! Ask ni sisterlaloo, "ayaw mo mag rice?" Sagot ko "Diet ako, bread lang". Pagkahatid na pagkahatid, sabay sila ni fluffy "DIET PALA HUH?!" ang naisagot ko nalang ay yuko.. yuko sabay dukot ng potato chips. yumyum. Medyo naparami ang kain, kaya naisipan kong ipabalot ang isang slice ng clubhouse, baon sa pupuntahan.

Syempers hindi ko puwedeng kalimutan ang resibo.. nakasanayan ko na ata mag post lagi ng resibo..

At hindi rin puwedeng kalimutan ang pektyur pektyur namin ni fluffy. Hindi lang dapat pagkain ang kinukunan, dapat pati mukha namin para may remembrance sa pinuntahan.

Talagang dumayo pa kami ng Tagaytay para lang sa Max's.. hihihi.. LOL.. Xmpre pinuntahan namin yung Wellington Courtyard at hindi puwedeng hindi namin sulitin ang pagpunta, nilibot naman namin ang lugar. Hindi ko na pektyuran yung sample nila kase bawal, kasama namin si manong guard. Sarap siguro makabili ng bahay or condo sa Tagaytay, may bahay bakasyunan. Balang araw, magkakaron din ako nyan (cross finger) hahahaha.. wala naman masamang mangarap!