Ilocos Trip: Laoag

Medyo mahaba haba tong blog ko, pero wak mag alala, yun Vigan and Pagudpud gagawan ko ng separate na entry. Laoag muna to.

Last September nagkaron ng promo ang Cebupac. Kinontak lahat ni Mapanuri pero dalawa lang kami ni Blogging Puyat ang nag confirm na sasama. Si Bully Mapanuri nag asikaso sa booking at CC nya ang ginamit.

October binanggit ko kay Fluffy ang ilocos getaway naming 3 blogger. Hindi sya pumayag na ako lang mag isang babae, kelangan ko daw ng taga buhat ng gamit.. LOL joke lang hindi yun ang sinabi nya. Syempre sasama sya para magkasama kami sa 3 days 2 nights na lakwatsahan sa Ilocos.

Nakaka excite, first time kong makakasakay ng erpleyn! Gusto ko mafeel yung sinasabi nilang nakakalula, masakit sa tenga at yung lulundag ang tyan kapag umakyat at bumaba ang eroplano. weeeeeeeeeeeeeeeeeeh! An lakas ng loob pero sa totoo lang, mahilig ako mag aroskaldo sa sasakyan nung bata pa ko.. mahihiluhin kase ko. hihihi..

Bilis ng panahon, January na pala.. Ilocos getaway na.. yehey!.. Todo ngiti abot hanggang tenga, hindi puwedeng walang remembrance sa NAIA, ebidensyang nakapunta na.. Halatang first timer talaga.. hahahah

Late lumipad yung erpleyn, eh pano may queue, may inaantay pa. Kala ko sa lupa lang may genun genun.. meron din pala sa mga eyrport. Nag demo na ang mga flight attendant, ayan na pinapakabit na ang seat belt, excited much lang! Todo ayos pa ko ng pwesto, gusto ko mafeel ang paglipad, ayan na.. ayan na... weeeeeeeeeeeeeeeeeeeeh! Paglingon ko sa kanan, .. wenk naghihilik si Fluffy, KJ much lang! armpf!! sige na nga, naiintindihan kong puyat ka.. ayabyu Fluffy!

Dalawang beses nag U TURN ang erpleyn sa dagat, may pag ka OA ang pag U TURN nakaka takot na nakaka excite. Hindi ata maka landing yun eroplano meron pang naka park sa eyrport ng Laoag. Biglaang nagkaron ng turbulence, lalong nagising ang mga dugo ko sa katawan. Si Fluffy gustong matulog na naman, sabi ko "WAK ka Matulog!", exciting ito para kaming asa roller coaster! Wala akong nagawa, tinulugan parin ako ni Fluffy, sige na nga ako nalang makikiramdam sa turbulence. HMP!

Around 2:20PM na kami nakarating ng Laoag, wala kaming makitang tricycle buti nalang may nakaparadang jeep at merong kasabay pupunta sa bayan. P40 ang isa, yung layo ng binyahe from erport to St. William’s Cathedral eh kasing layo lang ng byahe ko ng madaling araw from Quiapo to Crossing Ilalim pero P19 lang pamasahe. Hindi naman ako kuripot pero napansin ko lang naman yun layo.

May kinakasal sa St. William's Cathedral, hindi kami nakapasok, sayang eto pa naman ang isa sa malaking cathedral sa bansa. Di bale may next time pa naman, sisiguraduhin kong babalik kami ni Fluffy sa Ilocos noh.

Ito ang Sinking Bell Tower, hindi rin kami nakapasok, parang walang entrance door nag sink na ata.

SARAMSAM Ylocano Restaurant

Ensaladang Bagnet P190 - locally known as Chicharon ng Ilocos. Lechong kawali naman kapag asa Manila. Kinain ko lang dito yung ensalada, takot kase ko ma high blood.

Poque Poque Pizza P160 - tomato sauce, egg, shallots, green onions and smoked eggplant. Mahilig ako sa inihaw na talong, lasang lasa yun smokey flavor.. Natuwa ako sa Chili oil, nakakaadik ang anghang!

Saramsam Pasta P120 - green and ripe mango, tomato, bagoong and onions. Impeyrness, lumabas namang masarap yung combinasyon, hindi sya masakit sa dila. Nagpasarap dito yung bagoong isda.

MUSEO Ilocos Norte Rukod Ken Bagting - malapit na mag close nung napuntahan namin.

Nagbayad kami ng entrance fee pero hindi ko na maalala kung magkano kase nagmamadali na kami at malapit na talaga sila mag close.

Hindi ko alam kung ano naisipan ni Fluffy magpapicture dito sa kalesa basta sabi nya kuhanan ko daw sya.. napaka masunurin ko lang noh?!

Eto ang nakakaloko,.. yung lumang radyo, gumagana pa.. Astig!! pero kahit anong pihit hindi lumilipat ng istasyon.. ang sikreto.. .............

May totoong radyo sa likod!.. buking!

After namin tignan yung mga nasa ibaba, umakyat naman kami at doon naman ang mga sample kagamitan sa makalumang bahay.

Ayan si BloggingPuyat.. feeling makaluma.. hiniram yung salakot..

Etong si mapanuri feeling malakas at kayang buhatin yung kariton,.. si Blogging puyat nainggit, kumuha ng sibat!

Ako naman feelingera din, feeling marunong tumugtog nitong.... nitong.... nitong... ano pangalan nito..? yung parang guitarang malaki..? Lyre ba ito..?

Sa susunod na entry naman ang VIGAN at PAGUDPUD.. hindi ko mapagkasya lahat dito.. buong araw ko tinapos tong entry na to..