Le Jardin Breakfast Buffet

Ang larawang nasa itaas ay galing dito, Le_Jardin.City Garden 2nd Floor.

Nung gabi ay naglibot pa kami sa labas ng Makati Ave. kahit umuulan. Bumili kami ng hot pandesal at butter sa Pugon at bumili kami ng Noodles soup sa North Park. Tapos mega kuwentuhan galore kami ni payat ng kung ano ano lang naman. Tapos ay pinabubbles na namin ang tubig sa buth tab at mega chikahan padin ng parang walang katapusan.

Nang magising na ako, ay pinilit kong gisingin si payat dahil medyo may katagalan bumangon yan. Laging humihingi ng 5 minutes hanggang kinalaunan ay magiging 1 hour. Lagi nya sinasabi sakin matuto naman daw ako mag-inat-inat bago bumangon dahil pag ako gumising pabigla bigla akong bumabangon at didiretso sa banyo ng hindi nag stretching. Bumangon na ako, naghilamos (ginising si payat), nagtoothbrush (ginising si payat), nagbihis (ginising si payat), nag ayos ng mukha (ginising si payat), nakapag powder na, hala tulog padin si payat. Hay naku magiisang oras na payat, kapag ikaw hindi pa bumangon iiwanan kita jan at kakain na ako!

Binigyan ko lang ng 15 minutes si payat para mag ayos dahil kapag sinabi kong 30 minutes ay susulitin talaga nya ang 30 minutes. From 5th floor ay dumiretso na kami sa 2nd floor para sa buffet. Ang start ng breakfast ay 6am until 10am lang ito. Gumising ako ng 7:45am nakarating kami sa buffet bago mag 9am.

Konti nalang ang tao, dahil ang aaga magsi-gising ng mga foreigner na naka check in sa hotel. Medyo onti nalang ang laman ng iba at ung iba ay nirerefillan.

Eto ang plate ko, corned beef, smoked bacon, tocino, sausage at garlic rice. Medyo onti lang kinuha ko muna dahil titikman ko din yung iba.


Eto naman ang plate ni payat, garlic rice, sausage, bacon at cinnamon bread na akala nya ay garlic bread. Parehas kaming hindi mahilig ni payat sa cinnamon kaya hindi namin kinain at buti nalang ay isa lang kinuha nya.

Mya mya ay tumayo na si payat para kumuha ng cereals, chocolate cup cake, oatmeal cookie at banana pudding. tinikman ko lang ng isang kutsara ang cereals nya, isang kagat ng cupcake at isang kagat ng banana pudding.


Medyo hindi na-tripan ni payat yung milk, siguro nasanay sya sa Selecta Fresh Milk na binibili namin para sa bahay na medyo manamis namis ang lasa.

Ako naman ay kumuha ng konting Vegi salad, at isang letuce lang kinuha ni payat sa pinggan ko.


Wala akong planong magpa-picture kaya hindi ako ready nyan, hindi ako naka smile ^_^.

Mahilig ako sa gulay pero si payat pili lang ang kinakain nyang vegi. Hilig naman nya ay fruits at ako naman ang walang hilig, saging at mangga lang ang kinakain ko, sapilitan pa! Mangiyak ngiyak ako ng sinubo nya sakin ang maliit na melon. Hindi ko talaga ma-take!

Strawberry jam at orange jam. Nacurious ako sa lasa ng orange jam kase usually strawberry jam lang ang kilala natin. Kinilala ko si orange jam.

Ang strawberry jam ay pinalaman namin sa pandesal at ang orange jam naman ay sa loaf bread.

Kung mapapansin nyo kakapiranggot na lang ang pandesal, si payat ang may sala. Akala nyo ba kaya ako mataba dahil matakaw ako. Si payat kaya ang mas malakas kumain saming dalawa. Buti nga nahabol ko pa ang pandesal kahit kakapiranggot na lang at nakuhanan ko pa ng picture.

Dito na nagtatapos ang kwento ko tungkol sa bagong adventure namin sa City Garden Hotel. Hanggang sa muli.

Roof Deck

Pinlano namin na umakyat sa roof deck ng hotel ng bandang 5pm para makita ang itsura ng Bar, Swimming pool, Restaurant at Sunset. Pag akyat namin ay medyo nailang kami dahil andaeng foreigner na nagsu-swimming. Wala naman kami plano mag swimming, talagang nacurious lang kami tignan ang pool.

Nagpicture-an nalang kami ni payat at hindi na namin naantay ang sunset dahil pinagtitinginan na kami ng mga foreigner na nakakalat sa roof deck (baka isipin nila nagpapacute kami sa kanila). Dapat ay kukuhanan ko ng picture ang Bar pero pati mga waiters at waitreses ay nakatingin samin, siguro nagtataka sila at mukha kaming mga batang naligaw sa itaas. Para kaming minamanmanan ng mga mata at sobrang ilang na ilang na kami. Pati ang pool hindi ko din makuhanan ng picture dahil andae nilang nagsu-swimswim.

Siguro mga wala pang 30 minutes ay bumaba na kagad kami dahil ayaw namin pagtinginan ng mga pipol.

Shakey's Pizza and Mojos

Wala pang isang oras ng makapasok kami sa room namin sa hotel ng biglang tumawag si Master sa cellphone ni payat. Tinatanong kung asan si payat dahil kasama nya si Goculi. Nagkakitaan lang daw sila sa Makati habang nag aabang ng jeep papasok sa kanya kanyang opisina. Si Master at si Cretsen ay tropapips ni payat nung college at kinalaunan ay naging tropapips nadin nila ako nung third year college kami.

Sinabi namin ni payat na asa Makati lang din kaming dalawa pero naka check in kami sa hotel. Bigla silang nagulat at nacurious kung anong naisipan namin ni payat. Kinwento namin na bagong adventure ito at gusto lang naman namin ma-try at iba-blog ko. Naisipang mag half-day ni Master at ni Goculi dahil bihira lang ang pagkakataon na magkakakitaan kaming apat. Hirap kami makahanap ng tiyempo na magkakitaan dahil sa iba iba ang mga oras ng schedule namin.

After 15 minutes ay dumating na ang dalawa. Hindi pa daw sila nagla-lunch at si Goculi ay addict sa Shakey's Mojos kaya gusto nila magpadeliver. Sakto si Master naman ay may card para sa buy one take one. Tumawag si Master sa Shakey's at sinabing 45 minutes pa daw bago dumating ang order. Chika-chikahan to death kaming apat dahil sobrang namiss namin ang isat isa.

Hindi na namin namalayan ang oras dahil sa haba ng kwentuhan ay dumating na ang pizza at kumatok na sa room namin. Excited na kami kumain dahil namiss namin kumain ng Mojos.

Eto ang inorder naming pizza, isang Pepperoni at isang Manager's Choice (ata, na-forget ko na kase). Thin crust yung pinili namin kase matigas yung thick crust nila eh.

Nag hati hati kami sa bayad ng Pizza at Mojos at si Master na ang bahala sa tip doon sa nagdeliver ng pizza.

Vodka Mudshake

Bago nga pala kami pumunta sa City Garden Makati ay dumaan kami ng Robinson's Manila para bumili ng Vodka Mudshake. Malamang meron nito sa 711 sa Makati or Glorietta or Greenbelt pero para sure sa Manila namin binili.

Dalawa ang binili namin para tig-isa kami. Isang Vodka Chocolate Mudshake at Vodka Caramel Mudshake. Merong Vodka Coffee Mudshake at dapat yun ang bibilhin ko kaya lang baka hindi inumin ni payat dahil hindi umiinom ng kape yun.

Masarap yung Vodka Chocolate Mudshake para lang Nestle Chuckie, chocolatey buddy, chocolate drink.

Masarap din naman daw ang Vodka Caramel Mudshake sabi ni payat, pero matamis lang sya at hindi ko maintindihan ang lasa. Dapat pala yung Vodka Coffee Mudshake nalang dahil mahilig ako sa kape.

Wala naman syang amats, naisipan lang namin bumili para sa tamang inuman namin. Hindi kase kami hard drinker and hindi umiinom ng beer si payat kahit san mig light. Tomorrow nalang uli ang ibang happenings..

City Garden Makati

Nag-ipon kami ng pera ni payat at medyo gusto namin magpa susyal ng konti. Naghanap kami sa internet ng cheap na hotel pero maganda ang reviews. Ang laging nakikita naming magandang reviews is City Garden Hotel at ang suggested nila ay yung sa Makati hindi sa Manila.

Tinry namin yung promo nila yun nga lang ay wala ng available na room. Ang promo nila is Php 1,450 per head. Kung dalawa lang kami ni payat, Php 2,900 for one night plus Php 1,000 in case makasira kami ng gamit or may mawala, pero refundable. Ilang beses finollow up ni payat yung promo baka daw kase may mag back out (baka lang naman hihihi). Ang available nalang is Php 3,990 good for 2 plus Php 1000, so total Php 5,990. Medyo nabigatan na kami sa rate na yun kaya nagdadalawang isip na kami dahil ang gastos ng trip namin.

Tinuloy padin namin ang bagong adventure at nagbabakasakali padin may murang room. Dumating kami ng exact 12:30PM sa hotel para makahanap ng magandang room at makauna sa ibang mag che-check in. Inayterate samin ng gwapong Receptionist na wala ng available na room para sa promo nila, pero meron silang murang room na may bath tub na ang rate ay Php 3,500. Etong room ay merong 2 beds, Queen size bed at single bed. For me, not bad nadin atleast near ang rate sa promo kesa Php 5,990. Ang binayaran namin ay Php 3,500 + Php 1,000 (refundable) = Php 4,500. Sabi ng gwapong receptionist, puwede na kami pumasok ng 1PM sa room namin.


Eto ang beds, Queen size para kay taba (ako) at single bed para kay payat. Pero dahil nakakalat si payat sa Queen size bed, hindi ako makahirit at naging palaboy ako sa single bed.

Unang una kong hinanap ang refrigerator, syempre nacurious ako kung ano laman nito at kung may space pa para sa pagkain namin ni payat.

Sa ibabaw ng refrigerator ay may thermos at sache ng coffee, creamer at sugar. Hindi ko alam kung kasama sa binayaran namin yan or may bayad kaya hindi namin ginalaw.

Sunod na pinuntahan ko ay ang bathroom na may bath tub. Syempre wala kaming bath tub sa bahay kaya tuwang tuwa kami ni payat. Pero this is not the first time na naka experience kami ng bath tub. Wala lang parang bata lang na gusto namin ng bubbles tapos maglalaro kami na parang bata.

Eto nag testing lang ako kung ano itsura ko sa bathroom. Gusto ko sana kuhanan ang buong bathroom pero hindi ko magawa.

Complimentary tootbrush, toothpaste, shower cap, 2 soaps, 1 small bottle of shampoo and 1 small bottle of shower gel.

Meron ding complimentary water, 2 small bottles ng Summit mineral water. At nakalagay sa bathroom, malinis naman ang banyo pero sana nilagay nalang nila sa ibabaw ng refrigerator kasama ang thermos at mga saches (nakuha ko pang mag-jinarte.. nagmamaganda kunwari).

Meron continuation ito tomorrow, ikukwento ko ang mga kinain namin at iba pang experience sa hotel. Hanggang sa muli..

Panalo!!

Matagal na itong picture na ito, nung mother's day pa. Habang nagba-browse ako ng mga folders ko ay nakita ko ito. Na-cute-an ako sa posing nila at ang posing ng nag-iinarteng cake na gumuguho dahil naiinitan.. panalo! At ako ata ang kumuha nyang picture na yan gamit ang camera ko. Para saan itong entry kong to?.. WALA .. wala lang.. wala lang talaga..

Kangaroo Jack

Magkikita kita ang tropa ni payat sa SM North and naisipan nyang isama ako dahil medyo takot sya maligaw sa North. May konting salo salo daw ang tropa nila dahil nakapasa sa board exam ata yung isang friend nila. Hindi na ako masyadong nagtanong ng detalye kay payat dahil parehas na kami antok dahil galing kami sa opisina.

Kumain muna kami ni payat sa Gateway kase medyo gutom na kami kahit kainan din yung pupuntahan namin. Pero dahil sa parehas na kami hilo, umorder nalang kami ng burger at dumiretso na sa MRT.

Pagdating namin sa Kangaroo Jack ay nandoon na ang mga tropa nya at parang kami nalang ang inaantay para maka order na sila. At dahil sa medyo busog na kami ni payat, isa nalang ang inorder namin at hati na kami. Inorder namin ang Spare Ribs at ang drinks naman ay tower ang inorder ng aming mga kasama.

Tender and juicy ang meat ng pork, hindi sya half cook at manamis-namis ang lasa ng sauce. Dahil umiral ang katamaran ni payat magslice, inutusan nya akong mag slice ng meat para sa kanya. Nanghihina na daw kase sya sa antok, wosus if i know, tinatamad ka lang talaga.. wahihihi LOL peace tayo payat.


Eto naman ang tower ng red ice tea nila at nagustuhan ko ang lasa. Hindi sya masyadong matamis at hindi naman sya matabang. Panalo pamatid uhaw sa pagkain.

Naghati nalang din kami ni payat sa isang glass dahil hindi naman kami uhaw na uhaw, medyo lang.

Paumanhin sa mga kaibigan ni payat at pinost ko ang larawang ito. Hindi naman ata kayo magagalit lahat naman kayo maganda sa picture ^_^