Hanimun sa Bohol Part 4 - Dumaluan Beach

Hanimun sa Bohol Part 1 - Bohol Bee Farm
Hanimun sa Bohol Part 2 - Whites and Greens Resort
Hanimun sa Bohol Part 3 - Countryside Tour
Hanimun sa Bohol Part 4 - Dumaluan Beach Resort
Hanimun sa Bohol Part 5 - Island Hopping

Naikwento ko na sa mga naunang entry kung pano namin na diskubre ang Dumaluan Beach Resort. Dito kami dumadayo sa tanghali at gabi para kumain, pero ang breakfast sa White and Greens Beach Resort.

Sa unang gabi, eto ang inorder ni Fluffy: Slow Roast Pork Belly P280 Barbeque Glazed Pork Belly Roast till Fork tender served with Buttered Vegetables and Parsely Rice. Masarap at malasa ang Parsely Rice, ang Roast Pork Belly infairness masarap ang sauce. Malambot at madaling kagatin ang pork.

Naaalala ko sa Buon Giorno, umorder ako dati ng Penne All Arrabiata P294, na sobrang sarap kaya naisip ko itry ang version nila. Arrabiata Penne Pasta P190 Sauteed Smoked Bacon with Chili Flakes and Tomato Sauce Tossed in Penne Pasta Served with Garlic toast. Naenjoy namin ang unang gabi at ang food sa resto na to kaya naisip namin dito nalang kumain habang nasa Bohol.

Sa second day, nag lunch kami sa Loboc River (check my previous entry CountrySide Tour). Dinner balik Dumaluan, medyo nahihirapan mamili ng kakainin kaya naisip ni Fluffy ulitin nalang yung Slow Roast Pork Belly. Ako naman inorder ko Baby Back Ribs P380 Hickory Glazed Slow Roast Ribs served with Buttered Vegetables and Java Rice. Medyo hindi consistent ang pagpapalambot nila ng mga meat, may katigasan ang Slow Roast Pork Belly and ang Baby Back Ribs ayaw humiwalay sa buto. Tsk tsk tsk.. na-sad ako bigla. Di bale puwede pa naman bumawi kinabukasan.

Third Day, Halfday lang ginawa namin sa Island Hopping, kwento ko nalang sa next entry kung bakit. Syempre dumayo uli kami ng kain sa kabilang resort. Inorder ni Fluffy Grilled Chicken Bacolod P280 Marinated Half Chicken in Garlic and Thyme served with Garlic Cranch Dip Rice and Papaya Relish. Dahil ayoko mag experiment at mag try ng iba, parang nadala sa Baby Back Ribs.. kaya balik Arrabiata Penne Pasta nalang ako.

This time nag try kami ng dessert, Brownie Ala Mode! with fresh fruits - manggo and watermelon cuts. Paumanhin akalimutan ko ang presyo

Tamang trip lang!

Sa huling gabi isang order nalang ginawa namin. This time Mama Lou's Kare Kare P320 Slow Braised Ox Tripe and Beef in Pureed of Peanuts served with string Beans, Pechay, Banana Heart and Sweet-Spicy Bagoong. Good for 2-3 person, hindi namin naubos ni Fluffy sa dami. Lasang lasa ang peanut, yumyum sarap! Ayan parang gusto ko tuloy kumain ng kare kare :(

Kapag bumalik kami ng Bohol, malamang dito na kami magpapabook para hindi na namin dadayuhin yun resto. Naenjoy ko masyado ang live band nila lalo na laging BossaNova ang tugtog, sarap sa tenga.. malamig pakinggan.

Hanimun sa Bohol Part 2 - Whites and Greens Resort

Hanimun sa Bohol Part 1 - Bohol Bee Farm

Hanimun sa Bohol Part 2 - Whites and Greens Resort

Hanimun sa Bohol Part 3 - Countryside Tour

Hanimun sa Bohol Part 4 - Dumaluan Beach Resort
Hanimun sa Bohol Part 5 - Island Hopping


4Days and 3Nights, 2k per night ang bayad inclusive of breakfast. Base sa email nila sakin: All rooms are airconditioned. Bungalows are separate, standalone units with its own toilet and bath. The resort restaurant offers coffee and purified water free of charge 24/7. Rooms does not have tv and hot and cold shower but we do have a beachfront location and free wi-fi connectivity. We can also arrange for tours. Van rental is P2,500 for 2 for the countryside tour excluding entrance fees and buffet lunch in Loboc floating restaurant. Boat rental for the island hopping tour is P1,500 for 2.

Mabait at accomodating sila pagdating na pagdating inasikaso agad kami. Tahimik, relaxing, maganda ang lugar at beach front, problema lang mahirap maligo. Walang hot and cold shower.. grrrrrr lamiiiiig!

After nga pala mailapag ang gamit, tumakbo kagad ako sa isa sa mga kubong nasa harap ng cabana para mag picture picture kagad.. excited much lang.. hahaha iniwan ko si fluffy sa kwarto habang nag aayos..

Oh ayan pagbukas na pagbukas ng pinto, tahimik at magandang paligid ang babati sayo. At dahil sa malapit sya sa dagat, hindi kagandahan ang lasa ng tubig sa banyo. Ang hirap magtoothbrush promise! Parang isang kilong asin ang nilagay sa tubig na minumumog ko. Hirap tuloy bumula yun toothpaste. Ang sabi ng mga nabasa ko lahat ng resort sa Panglao hindi maganda ang lasa ng tubig sa banyo. Alam ko namang not for drinking, natural hindi ko maatim na lunukin ang napakaalat na tubig baka madedz ako. Ayoko noh kaka-kasal ko palang kelangang maenjoy ang honeymoon.

Nagdala ako ng bimpo pang hilod sa pagligo, napudpod na ang sabon hindi parin bumubula. Ni dulas ayaw magparamdam, napakadamot lang ng bula. Di bale sure naman tanggal ang mga hindi kanais nais sa balat tulad ng mikrobyo, dedz sila sa alat ng tubig.


Kuha to ng umaga, sobrang low tide, kung mapapansin nyo maraming sea weeds at sea grass na nakakalat sa buhangin. Imagine magsisimulang magwalis ang mga tauhan ng White and Greens Resort ng 6Am matatapos sila ng 9AM hindi pa kasama dun ang pagdampot ng winalis nila. Ganun katagal linisin ang buhangin.

Eto na ang itsura after nila walisin at hakutin lahat ng sea grass at sea weeds, pino na uli ang buhangin. Tuwang tuwa si Fluffy sa buhangin, sobrang puti, sobrang pino na parang gatas. Pati ako natuwa sa buhangin sarap mag baon pauwi ng Manila pero xmpre bawal!

Wala akong mashe-share about sa pagkain dito sa resort kase napadpad kami sa kabilang resort para kumain ng dinner. Ganito kase yun, sabi ni Fluffy masyado pang maaga para mag dinner and hindi namin alam kung ano oorderin namin sa resort. Naglakad kami ng naglakad hanggang sa nakakita kami ng maraming ilaw at my live band. Dun namin na diskubre ang Dumaluan Resort at dun ko na naalala na nabasa ko nga pala sya sa blog ni Chyng.


Walang araw na nagpakita habang lumulubog sa dagat, yan ang sunset sa Bohol. Maganda parin dahil kalmado ang dagat, relaxing, tahimik ang paligid.

Next entry ko ang City Tour...