J.Co Dount

Nung nauso ang KrispyKreme nag antay ako ng isang taon, take note isang taon bago bumili ng donut sa kanila. Nakakatamad kaseng pumila ng pagkatagal tagal ng dahil lang sa curiosity tapos isang donut palang umay ka na. Last year ko pa nababalitaan tong J.Co Donut, ansabe aabutin ka muna ng dalawang oras bago ka makakalapit sa cashier. Parang hindi ko nabalitaan yung ganitong eksena nung panahong sikat ang KrispyKreme at GoNutsDonuts. Isang branch palang naman kase last year ang meron sila, kaya nag antay antay lang muna na dumami at magkaroon ng malapit lapit as bahay. Sa ngayon meron na silang pitong branches, feeling ko Trinoma ang malapit ng konti samin.

Nung nakaraang linggo, habang nagbabrowse ng facebook ng makita ko ang Alcapone. Mahirap pigilan ang cravings ng buntis, kung noon kaya ko magtiis, ngayon promise nahirapan ako. Ayoko maging tulo laway ang anak ko paglabas, kelangan sundin ang cravings. Ginising ko si fluffy at pinagmadaling maligo para maagang makauwi. Iniisip ko palang ang byaheng gagawin namin papuntang Trinoma, feeling ko pagod na pagod nako. Nang papaalis na kami, nakakaramdam nako ng katams feeling ko pagod na kagad ako palabas palang ng pinto. Pero eto na, baka magalit si Fluffy kapag kinancel ko pa.

Hay, hindi ako nagkamali papunta palang ng Trinoma dusa na, isang oras at kalahati kase ang byahe simula bahay papunta dun. Nang makarating pinagtanong kagad kung saan ang J.Co, tinuro kami sa baba malapit sa parking. Feeling ko dugyot nako sa sobrang init ng mall, hello aircon magparamdam ka asan ka ba naligaw? Sa dami ng tao hindi ramdaman ang aircon napakalagkit sa pakiramdam. Mas lalong dusa ng sobrang init ng bugang hangin ang sumalubong ng malapit na sa J.Co donut, walang kinaibahan pagpasok sa loob. Brownout ba sa Trinoma at walang ka aircon aircon, grrrrrrrrrr. At isa pang pamatay ang sumalubong sakin, ang sobrang habang pila hanggang pintuan. Napa susmaryosep ako sabay sapok sa noo sa nakita ko. Basang basa na panyo ko sa sobrang init, nagdadalawang isip tuloy kung itutuloy paba ang cravings baka himatayin ako sa pila at init, feeling ko hindi nako makahinga. Buti nalang nakita ng guard na malaki ang tyan ko, itinuro kami sa isa pang cashier na walang pila. Para pala sa senior at buntis yung kabilang cashier, hay thank God mapapabilis ang paglabas namin dito. Inorder ko Set A and B 2 Dozen para matikman lahat Php 550 at dali dali kaming naghanap ng malamig na lugar. Hanggang nakarating kami sa foodcourt ng Landmark, yun lang ang lugar na hindi crowded at nakakahinga kami ng maluwag at kahit papano malamig.

Hindi ko alam kung ano ang Set A at Set B jan sa dalawang box na yan. Prehas may two pieces na Alcapone. Dalawang donut lang kinain ko den give up na. Paumanhin sa ibang gustong gusto tong donut pero para sakin nakaka umay sya. Siguro dahil buntis ako at iba ang panlasa kaya hindi ko sya nagustuhan.

Kinain ko yung Alcapone at yung Green na may almonde.  Hindi ko na inalam kung anong flavor ng mga nasa box at kung anong flavor nung Green na may almonde na kinain ko. Hindi ako interesado dahil hindi nako uulit. (again paumanhin, buntis kase ako kaya ibang panlasa at siguro dahil disappointed ako sa init sa mall naapektuhan ng emosyon ang pagkain ko).

Yung natirang donut binigay ko sa mom ko at sa family ng brother ko. Hindi ko na inalam kung nagustuhan nila sa sabrang pagod ko papuntang mall, paghahanap ng malamig na lugar at pauwi ng bahay. Lesson learned, wag ipilit magpagod ng dahil sa curiosity lalo na't buntis, humingi nalang ng pabor at magpabili para ma enjoy ang cravings.

3D4D Ultrasound

20 weeks and 4 days na si baby, yey nakaka excite. 5 weeks and 3 days nalang magiging 26 weeks ka na,  hindi nako makapag antay na ipa 3D4D kita baby. Gusto na namin malaman kung ano ang gender mo. Okay lang kung babae or lalaki, ang importante ay healthy and strong ka. Madalas kami magtalo ng daddy mo kung sino magiging kamukha mo at kung sino ang mas malapot ang dugo. Sana kapag pina ultrasound ka namin, gising ka para malikot ka. Wag mo kami tatalikuran huh, pakita mo ang maganda mong smile :) kung bungisngis ka, mana ka sa daddy mo. Kung tahimik ka lang at walang kibo naku mana ka sakin. Mas gugustuhin ko nang mag mana ka sa daddy mo sa pagiging bungisngis para lagi kang masaya at active. Undecided pa kami kung saan ka namin ipapa ultrasound, kung sa InMyWomb, Face2Face, BabyUltrasound Company or TopHealth. Gusto ko kase yung may video, hindi ako makukuntento kung picture lang, bitin yun.

Sabi nila sa InMyWomb, masyadong mahal at pababalikin ka pa para makuha ang video. Walang malapit na InMywomb sa bahay, nakakapagod bumyahe sa MOA wala pa tayong sasakyan baby nagiipon palang si daddy.

Sa Face2Face meron sa SM San Lazaro pero pangit ang feedback ng mga nakapag try na dun. Wala daw pasensya yung nag uultrasound at parang robot lang na gagawin yun trabaho at hindi man lang nagsasalita or ieexplain kung ano ginagawa mo sa loob ng tyan ko. Ayoko ng ganun baby, baka mag away lang kami nun nag uultrasound. Meron din daw sa SM North, puwede nadin medyo malapit lapit, LRT den jeep. Maganda ang feedback, mahaba ang pasensya nung nag uultrasound.

Sa TopHealth meron din sa SM San Lazaro, mura at maganda naman ang feedback. Yun nga lang maraming nagpapa schedule everyday. Pero ita-try ko padin mag inquire para malapit lang sa bahay.

BabyUltrasound Company, meron sa Robinson Manila at SM North. Maganda daw  ang facilities, yun palang ang feedback na nakukuha ko.

Hay baby andaming nagsasabi makikita naman daw kita ng personal bakit hindi pako makapag antay kesa gumastos ng ultrasound mo. Ang gusto ko lang ay may maipakita sayo kung ano itsura mo nung nasa tyan pa kita para my remembrance ka.

Mahal na mahal ka namin ng daddy mo, pinag hahandaan na namin ang future mo.

Ang Paglilihi

Unang pumapasok sa isip ko kapag sinabing naglilihi, maganang kumain at laging naghahanap ng food. Sabi ng mga kapatid ko, pinaglihi  ako sa dinuguan. Akala ko joke joke lang pero totoo pala. I asked my mom pano nya nasabing dun nya ko pinaglihi at kung bakit sa maitim na ulam pa, ayan tuloy ang kulay ko malayong malayo sa kanila. Sabi ni mommy, mahirap pigilan ang buntis kung yun yung natipuhan nyang kainin. I remember pa nga ang sabi nila isang linggong ulam ng mommy ko ang dinuguan. Lagi sya nagpapaluto sa lolo ko. Ang kapartner ng dinuguan eh softdrink na coke, ganun din.. maitim din yun. Malayo kulay ko sa kanila pero buti nalang hindi ako gaanong kaitiman.

January this year nagplano ko magpapayat dahil nagdaan ang December, alam nyo naman.. karamihan ng tao lumolobo ng Disyembre at isa ako don. Ayokong mabigla kaya dahan dahan ang excercise, lakad lakad lang sa Celadon Park ng isang oras then uwi na. Hindi ko trip mag jogging, nauubusan ako ng hininga at feeling ko ambilis ko mapagod.

February 7 ng umaga naglalakad ako papuntang sakayan ng bus bigla nalang out of nowhere naisipan kong dumaan sa Mercury. Isang pregnancy test lang binili ko, nagbabakasakali lang naman. Baka excercise ako ng excercise tapos meron na palang baby sa tyan ko. Pagdating na pagdating sa bahay, walang pahinga pahinga nagtest kagad ako.. BOOM! dalawang linya ang lumabas. Hindi ko maexplain yung naramdaman ko nung nakita ko yung dalawang linyang yun. Aaminin ko, umiyak ako sa tuwa, isang taon kaming nag antay. November 2011 kami kinasal at buong 2012 kami nag antay. Kapag my nagtatanong kung bakit hindi pa kami bumubuo, ang laging sagot: " Ibibigay ng Diyos yun sa tamang panahon " , " In God's Time ". Pero ngayon eto na sya, pero medyo nagdoubt padin, isang test lang binili ko kaya ayoko muna itext si Fluffy. Pagdating ng mom ko sa bahay, kalmado kong sinabing positive yun test. Tuwang tuwa si madir finally magkaka apo na sya sakin. Kinalat ko sa sahig yun pregnancy test para pagdating ni Fluffy makikita nya kagad. Pagdating ng gabi, pagkauwi ni Fluffy nakita nya kagad yun kinalat kong PT. Tinanong nya ko kung totoo ba yun, sagot ko hindi ko alam. Napatakbo tuloy sya ng di oras sa Mercury para bumili pa ng isa. Nagtest uli ako at dalawang linya uli ang lumabas. Umiyak si Fluffy ng makita ang result, tumawag kagad sa kanila para sabihin ang magandang balita. Tuwang tuwa mga biyenan ko dahil unang apo nila si baby.

Nagpacheck up kagad kami para makasigurong totoo ang result ng PT. Sinabi ng doctor na 1 month na si baby. Naexcite ako iniisip ko kung ano ba mapaglilihihan ko at kung anong prutas ang ipapahanap ko kay Fluffy. Basta wag ko daw sya paghanapin ng prutas na kaimposiblehan tulad ng prutas na my buto pero ang ipapahanap ko sa kanya eh walang buto, yun mga ganung tipo ba. Third week ng February, dito na nagsimula ang paglilihi na hindi ko inakalang ganun pala.

Nagsimula na yung hilo, mabilis mapagod at eto ang pinaka matindi.. ang magtawag ng uwak ng buong araw. Sabi nila morning sickness so ibig sabihin sa umaga lang dapat mangyari yun pero sakin 24/7. Kahit tulog, gigising lang para sumuka. Matinding challenge yung nasa opisina, may kausap na kliyente tapos mapapatakbo sa CR para lang magthrow up. Pagbalik sa kliyente ubos na energy para makipag usap, naubos na sa CR. Sabayan pa ng spotting na ayaw tumigil. Sobrang selan ng aking pagbubuntis. Pero titiisin ko ang lahat ng yan para kay baby. Madalas na ang pag absent hanggang sa pinagpahinga na ng 2 weeks ng doctor para matigil ang spotting. Buong araw nakahiga sa bahay, walang ganang kumain, walang laman ang tyan kundi tubig at buong araw sumusuka ng laway, kapag tumayo para pumunta ng CR sobrang hinang hina at walang energy. Nag aalala ako kase walang nutrients na nakukuha si baby dahil wala akong kinakain. Sobrang wala talaga kong gana kahit anong tikman ko feeling ko weird ang lasa. Kahit tubig sakin may lasa. Anlaki ng binagsak ng timbang ko, medyo nag alala yun doctor. Pinayagan nya kong kumain ng ice cream, halo halo at kung ano ano pang malalamig na pagkain pangtanggal suya ata yun. Tinanong ko si doctora kung hanggang kelan tong paglilihi, ang sabi nya hanggang 4 months. Antagal naman hindi ba pwedeng hanggang 3 months lang yung pagtatawag ng uwak, nakakaubos energy. Tinanong nya ko, ano gusto mo.. naglilihi oh hindi naglilihi? Napaisip ako, mas gugustuhin ko ng naglilihi kase ibig sabihin buntis ako kesa yung hindi naglilihi dahil walang baby. Happy narin at naexperience ko yun dahil may naisheshare ako sa mga ibang buntis at nakaka relate sa mga ibang nagbuntis na nakaranas din ng naranasan ko. Naranasan kong magtawag ng uwak sa CR ng SM, dito sa opisina at ang pinaka matindi sa V.Mapa sa ibaba ng LRT station, nakakahiya daming pipol.

Ngayon 4 months na si baby, unti unti ng bumabalik yun sigla ko sa pagkain. May araw na weird yun panlasa at walang ganang kumain pero may araw din na sobrang gana naman. Nabawasan na din yun pag throw up, napipigilan ko na sya. Naeexcite nadin kaming malaman kung ano gender nya, ok lang kung lalaki or babae, ang importante samin ni Fluffy ay healthy sya at walang problema.

Mr. Choi Kitchen

Maraming beses akong nagcelebrate ng birthday dito sa Mr. Choi Kitchen dahil malaki yung puwesto nila sa Robinson's Manila. Eto lagi kong napipili dahil maraming kumakain so ibig sabihin marasap ang pagkain. Last na punta ko sa Mr. Choi Kitchen sa Manila, lumiit na yung puwesto and iilan nalang ang kumakain.

This time hindi to birthday celebration, date date-an lang namin ni Fluffy, nakakalungkot lunch time pero walang kumakain. Not sure kung hindi lang talaga sila mabenta sa Robinson's Galeria unlike sa Manila maraming tao kapag lunch time.

Tipikal lang inorder namin, Beef with Brocolli, Fish Fillet with sweet and sour sauce and Yangchow fried Rice. Medyo disappointed lang ako sa Yangchow pero the rest ng order namin as usual masarap. Yung Yangchow na naaalala ko eh good for 2 - 3 person pero yun sinerve samin ewan ko pero for me ang onti lang nya. Pero hindi na kami nagtanong kung bakit konti lang dahil ayoko masira date namin.

Hindi ko nakuhanan ng picture yung resibo nagmamadali na kaming umuwi ni Fluffy.

Renovation: Tiles

Nagsisimula na kaming lumibot libot sa mga stores and Depot para mag canvass ng mga gagamitin sa renovation ng condo. Malapit na kaseng iturn-over samin ang nabili naming unit sa Escalades Cubao. Maraming nakabasa at maraming nagcomment sa blog entry kong yun. Karamihan mga magiging kapitbahay ko na nakabili rin ng unit sa Escalades.

Hindi ito ang unang beses na magpaparenovate ako. Unang renovation ay yung bahay namin sa Manila. Karamihan ng mga ginamit sa bahay, binili sa Soler at Alonzo sa Recto. Tiles na binili namin para sa banyo at labahan ay Eurotiles na Estelle Beige. Cute din sana yun Estelle Pink yun nga lang ang theme na napili namin ng mom ko eh Beige and Cream.

Karamihan ng dealer ng Eurotiles ay nasa Soler kaya bihira lang makakita nito sa ibang lugar tulad sa mga Depot at lalo na sa mga Floor and Tile Center. Kadalasang nakikita sa Depot ay Mariwasa and Lepanto. Floor and Tile Center naman ay puro mga China and Malaysia made. Gusto ko din ang Mariwasa and Lepanto na Philippine made yun nga lang bihira ang Beige sa kanila. Matibay kase ang Philippine made at syempre tangkilikin ang sariling atin. Eurotiles and sabi is Philippine made din daw at ang plantation ay sa Cavite. Pero not sure kung totoo kase kapag nagtatanong ako sa mga Depot paiba iba sinasabi nila unlike Mariwasa and Lepanto, sure na sure na isa lang ang binabanggit nila.

This time naghahanap pa kami ng magugustuhan naming design kaya hindi pa sure kung anong tiles ang kukuhanin namin. Maraming nagsasuggest ng Lepanto, we'll see kung dun kami mag end up. Balitaan ko nalang kayo sa susunod na entry ko.

Zark's JAWBREAKER Burger

Matagal ng nababalita tong sikat na sikat na Zark's Burger. Matagal ko naring naririnig Jawbreaker. Wala lang pagkakataong makapasyal sa Taft, malayo layo sa opisina. Si Fluffy idol si Adam Richman ng Man VS. Food. Sabi ko sa kanya, don't you dare na gayahin si Adam, wala kaming excercise at ayokong mabyuda.

Biglang napag usapan ang TombStone, ang two pound cheeseburger at ang Jawbreaker. Yung mga ka opisina ko gustong sumali sa Jawbreaker challenge. Kung ako kakain sa Zark's hindi ako sasali sa kahit na anong challenge, kahit si Fluffy hindi ko pasasalihin.
Iba padin syempre yung na-nanamnam mo yung kinakain diba hindi yung lunok lang ng lunok. Sabi ko tutal may extra naman kaming pera, kaya pa ng budget na kumain at dumayo sa Zark's.

Kung mang gagaling kami sa bahay, malapit lang ang La Salle Taft mga 30 - 45 mins lang kasama na ang traffic. Dahil galing opisina, dadayuhin at gugugol ng mahigit isang oras na byahe.

Sobrang mausok sa Taft, parang sinagap ko ata lahat ng usok ng tambutso ng mga sasakyan. Pagdating sa La Salle, biglang sumama ang pakiramdam. Walang humpay na ubo, as in malutong na ubo na parang luluwa ang lalamunan ko. Pero syempre hindi ako papayag na sirain ng ubo ang planong makakain ng Jawbreaker.

Inorder namin isang Onion Dawg at dalawang Jawbreaker Burger, yung isan dine in yung isa to go.

Onion Dawg -  Deep fried hotdog with caramelized onion on top P70

Jawbreaker - Triple cheeseburger with spam, bacon and overflowing cheese sauce on top. If you finish this in 5 minutes, it's free P250.

Meron silang wall of fame sa harap at sa gilid. Maraming sumasali sa Jawbreaker challenge at maraming nagwagi. Pero sa Tombstone, iilan palang ang sumasali at nananalo. Eh pano ba naman ang sabi nila It Might Kill You on the spot!



Si Fluffy kumain ng Onion Dawg na may kasamang fries. Jawbreaker ang akin, pero wala pa sa kalahati super duper busog na ko.

Ayan pinagtulungan pa namin ni Fluffy ang Jawbreaker pero food won the battle. Hindi na kinaya ng powers na ubusin lahat. Sobrang bigat sa tyan promise. Saludo ko sa mga sumasali sa challenge na kaya nilang ubusin yan within 5 minutes.

Dalawang Jawbreaker inorder namin, take out yun isa jan

Blog Deletion Warning!

Hindi ko na maalala kung kelan ako huling nagpost. Nakareceive ng Blog Deletion Warning!

The blog is already


suspended for inactivity and is running the quarantine period, after which

it will be deleted. After deletion, it will not be possible to retrieve

their information. You may prevent this by writing a new post on your blog.

Kaya eto create kagad ng entry para hindi madelete ang pinaka mamahal kong blog. Tagal ko na palang hiatus. Babalik ako promise! Wag nyong idedelete blog ko.. :( huhuhu